سكان تجزئة البوعنانية بالمرجة بفاس :"رئيس المقاطعة والبرلماني بوحرشة خارج التغطية وما دار لينا والو"

عندو جوج كاسكيطات وماطفرناهش معه. برلماني ونفس الوقت رئيس مقاطعة زواغة والحصيلة صفر.

"حشومة وعيب عار الحالة اللي كتواجد بها أزقة تجزئة البوعنانية بالمرجة بفاس" الحالة كارثية، مابين حفرة وحفرة كاينة حفرة..." شكون يسمع لينا ويديها فينا؟ ممثل السكان السي البرلماني بوحرشة يتجاهل السكان ولايبالي بمعاناتنا" يقول أحد سكان تجزئة البوعنانية.

هل يعقل أنه من أصل 19 شكاية تم التفاعل مع شكاية وحيدة...والطامة الكبرى أن الجواب كان الرفض.

كنت كنتمنى من السي البرلماني بوحرشة يوفي بالوعود ديالو ويطرح أسئلة فالبرلمان كتهمنا كساكنة اللي صوتات عليه. لكنه وللاسف طرح سؤال كيهمو هو ومكيهمش الساكنة.

فين هو التشوير السي رئيس المقاطعة؟ ولو علامة تشوير وحدة كتواجد فوق تراب تجزئة البوعنانية. 

للأسف ماشفنا منك والو. وكنتحداوك تبين لينا المنجزات ديالك خلال فترة الرئاسة ديالك للمقاطعة ديال زواغة وخلال هاد الفترة البرلمانية ديالك.